Sokko

Sekitere qoqqowu giddo noota mannunnitanna kalaqamu jiro waaxe massagatenninna sufo noo garinni halashshe horote aana hosiisa, Dagate mittimma kaajjisha, Dagoomittenna miinju latishsha halashshsatenni dancha gashshootenna demokiraasete amanyooti lophanno gede assate.

Ajuuja

Qoqqowu giddo keerunna ga’labbo ge’e danchu gashshooti hala’leenna hegeraamo latishsha abbine 2022 M.D jiraameessanna mereerima eo noo dagoomi kalaqameenna la”ate.

Hexxo

Sekterennita tantanonna loossa woyyeessine hajamaano dagara uynanni owaante mittu garinni lifixa, wo’mawa iillitannota, islanchimma noottanna woxu fulose batidhinokkita assate dandiissanno gede assate.

Uurrinshate Biilloonyenna Loossa

Pirezidaantichu borro mini akatisinni wolootu sekiterranni baxxino garinni la’nanniha ikkasinni qoqqowu bayriidi seeri quwa 61 borrote minira uynoonni biilloonyi noo gede heereennanni qoqqowu bayriidi seeri gashshootu amaale miniranna pirezidaantichaho quwa 57 nna 59 aana uynoonni biilloonyenna loossa jeefisate pirezidaanticha Miinju, Dagoomunna Gashshootu hajubbanni irkisate tittirshu xiinxallo assine gumulote hedora shiqishanna gashshootu amaale mine irkissanno addi addi tantano  noosita ikkana Konni kaiminni:-

Pirezidaantichu borro mini qoqqowu gashshooti amaale mini borro mine ikke lede owaante aannoho,

  • Qoqqowu amaale mininna Federaalete mootimmanni fultino seerubba uynoonni gumulo qoqqowu giddo loosu aana hosasi buuxanna biddissuwa qixxeessine gumulote shiqisha,
  • Seerunni gumulloonni garinni qoqqowu gashshooti amaale mini woloota jeefisaano bissanna addi addi Uurrinshubba tantana, qorqoranna massaga,
  • Qoqqowunnita Miinjunna Dagoomu latishshi Polisenna Istiraateeje qixxeessine seeru-soma qoqqowu amaale minira shiqishe kaajjishiisha, Gumulli gedensaanni jeefisiisa,
  • Qoqqowu giddo seeru amanyooti ayirrasi buuxa,
  • Qoqqowu amaale mini aanno biilloonyi garinni wodho fushsha,
  • Pirezidantichu qoqqowu mootimma amaale mine massagatenna   harunsate loossa qineessa,
  •  Qoqqowu gashshooti amaale mini fushshino Polisubba, Wodhubba, Biddissubbanna Gumulubba jeefishsha harunsanna riipoorte shiqisha,
  •  Qoqqowu keeraanchimma agarantenna seeru amanyoote ayirrisiisate Uurrinsoonni qoqqowo hanqaffino ga’labotenna poolisete wolqa aliidimmatenni harunsa, irkisanna qorqora,
  •  Qoqqowoho leeltanno eeliidi deerri gashshooti loossa massaganna qorqora
  • Gashshootu amaale mini gambooshshu harinsho qineessatenni huurote xorshaanchinna attamote barri-tajubba ragunni amadetenninna agaratenni fajjinanninsa bissara shiqishate looso,
  • Gashshootu amaale mini songaale amadanna sayinsanni muro kawajishe amade hajo la’annonsa bissara iillishate looso loosa
  • Kaabinte shiqanno hajubba gashshootu amaale mine assotu wodho garinni hasiissanno isilanchimma deerra agadhite shiqansa buuxate owaante,
  • Qoqqowu amaalate mini kaajjishanno wodhubbanna biddissubba attame tuqisate looso
  • Mootimmate loosu minnanni gashshootu amaale minira muronna hasaawaho shiqqanno borri-tajubba murote hedubba lainohunni amaalate,irko assatenna halamate looso
  • Gashshootu amaale mine uurritanno addi addi komittara irko assatenna halamate loossa