Sidaamu Dagoomu Qoqqowi Mootimma pirezidaante

        Ayirradu kalaa Desta Ledamo        

                    Sokka                                          

Sidaamu Daga Seeda Dirara Assitanni Keshshitinnoti  Umise Umose Gashshate  Xa’mo Seeda Dira Sharro Gedensanni Guma Afidhenna Sidaamu Daga Qoqqowunni Tantannantanno Gede Assinenna Gobbate Deerinni 10kki Qoqqowo Ikke Federeshinete Amaale Mini Miilla Ikkituhu Gedensaanni Sidaamu Dagoomu Qoqqowi Mootimma Shimma Yanna Giddo Tantaanoote Loossa Gumuulte Daga Poletikunni, Miinjunninna Hattonno Dagoomitetenni Horaammimma assate, Dirate Keshshitinno Danchu Gashshooti Xa’mo Qoolate Tonnu Diri Mixo Qoqqowu Deerinni Qixxeessinonni Mixo Garinni Jawa Soorro Daginooti Qangannite.

Konni Kaiminni Qoqqowu Mootimma Qoqqowo Loosaate Wolqa Garunni Horonsidhe Dagate Horaammimma Danchu Garinni Baalunke Handaarinni Laalchonna Laalchimma Loossate Qoqqowu Tessanno Mattete Deerinni Horaammimma Buuxisiisatenna Suufinnoha Miinju Mixo Garunni Borressantanno Gede Assinnanni Hee’noonni. Wole Widoonni Qoqqowu Miinjanna Dagoomitete Mixo Danchu Garinni Baalante Olubbara Tallo Ikkinno latishsha Latissate Injo Kalanqe Looso Loonsaanni Hee’nonni. Qoqqowu Mootimma Dagoomitete Handaarinni Fayyimmate Loossa Widoonni Ille Tunge Loossatenni, Woyyawino Rosonna Qajeelsha Uyitanno Handaarubba Halaashshatenni Heewissamaancho Illama kalaqantanno Gede Assate, Sidaamu Budesi Fakkana Wogate Jironna  Dhaggete Donna Assinne Amaddate Daa’attote Turizime Leenqishshubbanna Qoqqowu Baalunku Loosiranna Invesitimeentete Dorramminoha Assate Danchu Gashshooti Loossanna Ga’labbo Sufanno Gede Assate, Seeru Aliidimma Ayirrisatenna  Ayirrisiisatenni Qansootu Qoosso Agarsiisate, Riformete Loossa Woyyeessatenni Dagate Kassoonye Lossatenni Kajjine Loosanni Hee’noonni.

Konni Daafira Qoqqowinke Tessano Qoqqowu Mootimma Mixidhino Mixo Wo’munni Gumuulantanno Gede Assate paaritete Jireenyu Haaranni No Doogo Darga Gannate Qoqqowinke Mootimmate Qotira Urritinanni Gede Sokka Saysemmo.